BR LA UNION – Mapatta-patta nga umabot iti $150 billion US dollar iti balor dagiti sanikua a dinadael iti wildfire idiay Los Angeles County, segun iti AccuWeather.
Segun met kenni Aris Papadopoulos, iti founder ti Resilience Action Fund, a nu pagibasaran ti immun-unan a kapada a kalamidad, posible nga abuten ti dekada wenno nasurok 10 a tawen sakbay a maka-rekober ti amin a nadidigra.
Kabayatanna, agtultuloy ti panag-ramaram ti uram laksid a dumak-dakkel metten ti area a maseb-seb-seban wenno na-contain.
Nupay kasta, ribu latta iti mapuwer-puwersa nga umakar ken puman-panaw iti babbalay da idiay Brentwood ken Encino suburbs a pagnanaedan ti dadduma a celebrities ken personalidad, kas kada Lebron James, Arnold Schwarzenegger ken Kamala Harris.
Ginatang ni Basketball champion Lebron James iti balay na idiay Brentwood iti kantidad a $23 million idi tawen 2017.
