BR LA UNION – Timpuar ti baro a wildfire idiay Northern Los Angeles, California idi bigat ti Miyerkules, oras idiay Amerika.
Iti baro a wildfire ket naawagan ti Hughes Fire, a rimsua iti area ti lake Hughes Road asideg idiay Lake Castaic, 40 miles manipud Eaton ken Palisades wildfires a nangdadael iti dackel a parte ti LA idi umuna a paset ti bulan ti Enero.
Iti uneg laeng ti sumagmamano nga oras, napaspas a nagkayamkam ti apoy iti nasurok 1,000 acres, segun iti California Department of Forestry and Fire Protection.
Gaputi daytoy, nag-isyu da ti mandatory evacuations ken warnings gaputi napaspas a panagwaras ti apoy.
Iti maysa a news conference, impadamag ti Los Angeles County officials a nasurok 31,000 a tattao a mas nangatngato a bilang ti pakabuklan a populasyon ti Castaic iti nabilin nga umakar kalpasan a nairwar ti warning gaputi “immediate threat to life” ti wildfire.
Aganay 25,000 a tattao ket adda iti zones a naipasidong iti evacuation warnings.
Napinget iti ar-aramiden ita a panangsebseb dagiti maur-uram a kabantayan babaen ti danum ken fire suppressants nga itintinnag ti eroplano.
