Pinaglibakan ti Department of Science and Technology (DOST) iti online post mainaig iti isasangpet iti super typhoon itatta ngudo ti lawas.
Inlawlawag ti ahensya a nga awan iti rumbeng a pagdanagan dagiti umili gapo ta awan iti umay nga super typhoon nu di ket maysa laeng nga low pressure area (LPA) a possible metlaeng a mapukaw.
Maibasar iti misinformation idiay internet, kapigsa kano daitoy iti Typhoon Yolanda ken maawag kas Bagyong “Lakas.”
Madanagan dagiti eksperto agsipud ta mabalin daitoy a mangigubuay iti buteng idinto nga adayo daitoy iti agpayso.
Iti beripikasyon ti Bombo Weather Center, rumrumuar nga awan iti managan ti “Lakas” iti 2024 List of Storms.
Iti sumaruno a nagan iti bagyo ket mangrugi iti letra nga “B” para iti “Butchoy” ken saan nga “L” a para iti “Lakas.”
Kinuna ni PAGASA Administrator Nathaniel Servando a nasken a liklikan ti mangiwaras kadagiti impormasyon a naggapo kadagiti unverified sources.
