BR LA UNION – Inaprubaran ti bicameral conference committee idi rabii ti Martes, Disyembre 16, iti 2026 proposed budget ti Office of the Vice President (OVP) nga agbalor ti P889.2 million, kapada ti nakailanad iti National Expenditure Program (NEP).
Maipalagip nga immuna a kinissayan ti House of Representatives iti OVP budget iti P733 million kalpasan a nagkedked a sungbatan ni Vice President Sara Duterte ti panangusar ti nasurok kumurang a P625 million iti confidential funds idi 2022 ken 2023.
Segun iti Bise Presidente, saanna a sinungbatan dagiti salodsod seknan iti pondo agsipudta paset daytoy ti nakapenpen nga impeachment case kontra kenkuana ket adda pakainaiganna iti national security.
