LA UNION – Addan ti person of interest ti pulisya iti napasamak a panagtakaw kadagiti kinahon a sigarilyo ken naduma-duma a kita iti produkto manipud iti uneg ti maysa a warehouse idiay Barangay Concepcion, ili ti Rosario, La Union.
Iti pannakiuman ti Bombo Radyo kenni C/Ins. Bernabe Orobillo, hepe ti Rosario Police Station, kinunana nga immuna a naduktalan iti gwardya a nadadael iti ruangan ti pintuan ti fire exit ti warehouse a naaramid iti yero.
Sigun kenni Orobillo, posible a nagpaay a dalan ti agtatakaw iti fire exit tapno itaray dagiti nakalemmeng a produkto nga agbalor iti P500,000.
Dakkel met iti namnama ti pulisya a marisot iti kabiitan a panawen ti kaso gapu ti natukoyda a person of interest.
