BR LA UNION – Umaboten iti nasurok kumurang a P10.5-M ti perdisyon iti agrikultura ditoy probinsiya ti La Union kalpasan iti panagduprak ti bagyo Crising ken tuloy-tuloy a panagtudo gapwanan ti habagat.
Iti interview ti Bombo Radyo La Union kenni Officer-in-Charge Sharon Viloria ti Office of the Provincial Agriculturist (OPAG), imbinsa-binsa na ti perdisyon iti agrikultura a gapwanan ti bagyo Crising.
Kinuna na a sipud idi kalman, Hulyo 22, iti value of losses iti kapagayan ket 1.5-M pesos manipud iti 286.27 hectares ken 433 a mannalon iti apektado.
Kabayatanna, iti met perdisyon iti agrikultura gaputi habagat ket umaboten iti 9.6-M pesos manipud iti 11.07 nga ektarya ken 84 a mannalon ti naapektaran.
Segun kenni Viloria, dackel ti perdisyon a ginubway ti habagat kadagiti mula a mais, nat-nateng, ken prutas gaputa adda dagitoy iti reproductive ken harvested stage.
Innayon pay ni Viloria a dumackel pay ti value of losses iti agrikultura ditoy La Union gaputa adu pay nga ili ditoy probinsiya ti saan pay a nakapag-sumite ti assessment report ken iti posible a panagtultuloy ti panagtudo gapu kadagiti agdama a bagyo ken habagat.
