BR LA UNION – Umaboten iti 34 iti bilang dagiti natay gapu iti epekto ti southwest monsoon wenno habagat a pinakaru dagiti naglabas a bagyo Crising, Dante, ken Emong, maibasar iti report ti National Disaster Risk Reduction and Management Council (NDRRMC) ita nga aldaw ti Martes.
Iti naipadamag a tallo a kauddian a casualties ket manipud rehiyon ti Calabarzon.
Kaadwan kadagiti natay ket manipud NCR (9), Calabarzon (8), ken Western Visayas (6).
Naipadamag pay a pito iti mapukpukaw bayat a 18 dagiti nasugatan.
Nasurok nga 6.6 milyon a tattao iti intero a pagilian ti naapektaran iti kalamidad ken umaboten iti P7.3 billion ti perdisyon iti imprastruktura ken P1.6 billion iti agrikultura.
