Impresenta ni sigud nga House Appropriations chair Zaldy Co kenni Presidente Ferdinand Marcos Jr. iti maipagarup a serye dagiti dadakkel a tapyas ti 2025 national budget ti dandani ₱110 billion nga imbilin ni sigud a Senate President Francis “Chiz” Escudero iti bicameral conference committee.
Daytoy ket linaon ti surat ni Co kenni Presidente Marcos.
Segun ti sigud a kongresista, impapilit ni Escudero iti panangikkat ti ₱74 billion subsidy para iti PhilHealth, P10 billion manipud ti DepEd computerization program, ken ₱1.692 billion para iti baro a posision dagiti mannursuro a manglimitar iti abilidad ti gobierno a mang-hire ti 20,000 a mannursuro.
Maipagarup a natapyasan met ti ₱10 bilion para iti fertilizer vouchers ti Department of Agriculture, ken ₱13.9 billion para iti flagship infrastructure projects, karaman iti pondo para iti panangurnos dagiti kalsada a mangkonektar ti Batangas ken Quezon.
Tinakderanna a saan nga iti Lower House iti nangirugi kadagiti kontrobersial a realignment ken rumbeng a maamwan ti publiko no sadino iti nagtaudan dagiti panagkissay.
Innayon na pay a ‘deserved’ ti publiko a maammuan no sadino iti nagrugyan ti budget cuts ken no ania a sektor iti natapyasan.#
