Nasurok a P2 milyon pesos ti balor ti pinarut ken inuram dagiti otoridad iti marijuana a nadiskubre idiay baetan ti Sugpon, Ilocos Sur ken Kibungan, Benguet.
Babaen iti nagkadua a puwersa dagiti otoridad, nadiskubreda ti uppat a marijuana plantation nga adda iti 3,510 square meters a kalawana, idiay baetan iti kabantayan a masakupan iti Sitio Ogiyet, Brgy. Licungan, Sugpon Ilocos Sur ken Sitio Culliang, Brgy. Tacadang, Benguet.
Ti nasao nga operasyon ket adda pakainaegan na iti maisaysayangkat nga OPLAN GREEN MENTOS ti Regional Police Drug Enforcement Unit 1.
Pinarut dagiti otoridad iti narusok a 12,000 fully grown marijuana leaves ken 4,000 a seedlings dagitoy.
Malaksid kadagiti marijuana leaves ket inuram pay dagiti otoridad dagiti water hoss ken dagiti abono a nadiskubre iti lugar tapno saanen nga mausar pay.
Maipalagip, itay nabiit idi nadiskubre dagiti otoridad iti dua a plantasyon ti marijuana idiay Kibungan ken Bakun Benguet iti nagsina nga operasyon dagiti otoridad no sadino aganay P1 milyon pesos iti gatadna dagitoy.
