LA UNION – Agtaltalinaed pay laeng iti aywan dagiti toridad dagiti illegal logs a nakumpiskar idiay Barangay Bitalag, Bacnotan, La Union.
Pakaibilangan daytoy ti kayo a gmelina nga addaan ti nadumaduma a rukod ken addaan ti market value a P22,000.
Segun ken ni PCI Reynaldo Soria, hepe ti Bacnotan Police Station, dakkel iti nagbalin a kontribusyon dagiti umili iti pannakarekobreda kadagiti nasao a kayo kalpasan iti insayangkat dagitoy nga anti-illegal logging operation iti lugar.
Agtultuloy met ti koordinasyon dagiti otoridad iti Provincial Environment & Natural Resources Office para iti naan-anay a disposisyon dagiti kayo.
