Inwaragawag ni Presidente Ferdinand “Bongbong” Marcos Jr. a maitultuloy agingana tawen 2026 iti P300 billion a pondo para kadagiti flood control projects no addaan ti umdas a safeguards.
Impaganetget ti Presidente iti kinapateg ti naurnos a proposal, program of work, ken panangawat ti lokal a gobierno kas baro a basaran iti panangipatungpal ti proyekto.
Impasigurado na pay a saan a maulit dagiti naglabas a panagabuso partikular iti panagaramat ti pondo para iti imprastraktura.
Iti gobierno ti mangsalsalaknib iti kuarta ti umili ken rumbeng a mausar a nasayaat para iti pagsayaatan ti amin.
Malaksid ditoy ket imbilin na met iti panangiyakar ti P255.5 billion a pondo manipud iti Department of Public Works and Highways ken ilatang kadagiti prayoridad a programa iti dadduma nga ahensia ti gobierno.###
