LA UNION – Dumanon iti P46,660.00 nga gatad ti hot meat ti kinumpiskar dagiti otoridad iti lima nga indibidual ditoy ciudad ti San Fernando, La Union.
Immuna ditoy, nasaed dagiti otoridad ti dua nga lugan a nagluganan da Bonnie Prepose, 42, addaan asawa, meat vendor, Renalyn Prepose, 42, addaan asawa, residente ti Barangay Mameltac iti ciudad, Marlon Delmendo, ti Barangay Casiaman, Jesus Bucsit, 47, addaan asawa, ti Barangay Tammucalao iti ili a Bacnotan, ken Eugene Lapitan, 40, ti Barangay Pagleddegan, iti ili a Balaoan iti maysa a gasolinaan ditoy syudad.
Dagiti nasao a lugan ket naglain kadagiti frozen meat a dumanon iti 287 kilo ken agbalor met ti P46,660.00.
Iti agdama, adda kustodiya dagiti otoridad dagiti nasao a karne ken nakikoordinarda metten iti City Veterinary Office para iti umno a disposisyon.
