BR LA UNION – Inyanunsyo ti Department of Labor and Employment (DOLE) nga inaprubaran ti Regional Tripartite Wages and Productivity Board – National Capital Region (RTWPB-NCR) iti P50 a kanayunan a suweldo para kadagiti mangmangged idiay Metro Manila.
Maibasar iti naaprubaran a wage order, ngumato ti inaldaw a minimum a suweldo idiay NCR manipud P645 ket agbalinen a P695 para kadagiti mangmangged iti non-agriculture sector.
Kabayatanna, dagiti adda iti agriculture sector ket makaawat ti P658 kada aldaw manipud iti sigud a P608.
Maipatungpal ti baro a wage increase mangrugi inton Hulyo 18, 2025.
Segun iti DOLE, daytoy ti kangatuan a dagdag-sahod nga impaay ti NCR wage board iti pakasaritaan.
Ranta ti nasao nga addang tapno masungbatan iti agtultuloy a panagngato ti presyo dagiti gagatangen ken mapasayaat ti panagbiag dagiti mangmangged iti nasao a rehiyon.
Dacdackel ti panagngato ti suweldo idiay Metro Manila kumpara iti probinsiya agsipudta nangat-ngato met ti cost of living iti nasao a lugar.
