LA UNION – Inaprubaran ti House of Representatives iti P6.352-trillion national budget para iti tawen 2025.
Napasamak daytoy, maysa nga aldaw kalpasan a sertipikaran ni President Ferdinand Marcos Jr. nga urgent ti gakat.
Pakabuklan a 285 a kongresista ti nagbotos a pabor iti House Bill 10800 wenno maaw-awagan nga “An Act Appropriating Funds for the Operation of the Government of the Republic of the Philippines”.
Adda met ti tallo a kongresista ti nagbotos a kontra iti nasao a singasing linteg.
Iti panagbetla na, pinagyamanan ni House Speaker Ferdinand Romualdez dagiti kakadwa na a mammanday linteg gaputi panangipasa ti 2025 budget.
Impaganetget na a napateg iti nasao a pondo tapno maipatungpal ken matuloy dagiti kangrunaan a proyekto ti gobyerno kas iti imprastraktura, human ken social development, environmental protection, technological innovations ken sustainable development.
