BR LA UNION – Rinugyanen ti Kamara de Representantes nga agsagana para iti maika-lima nga State of the Nation Address (SONA) ni Presidente Ferdinand Marcos Jr. a nakatuding inton Hulyo 27, 2026.
Iti umuna nga inter-agency coordination meeting, imbaga ni House Secretary General Atty. Cheloy Velicaria-Garafil a “simplicity” ti agbalin a tema ti SONA ita a tawen.
Segun kenkuana, awanen ti red carpet ken nagarbo a gown, ken maallokoy amin a dumar-ay nga agsuot ti simple ngem maiyannatop a kawes.
Dinar-ayan dagiti mangibagbagi manipud Kamara, Senado, Malacañang, ahensya pangseguridad, ken lokal a gobyerno iti panagtataripnong tapno talantanen iti seguridad, protocol, ken dadduma pay a panagsagana para iti tinawen a report ti Presidente idiay Kongreso.
Maisayangkat ti maika-lima nga SONA ni President Marcos iti Session Hall ti Kamara de Representantes inton Hulyo 27.
