LA UNION – Lalo a papigsaen iti Employees Compensation Commission (ECC) ti information dissemination para kadagiti amin nga empleyado nga adda iti sidong ti Government Services Insurerance Sytem (GSIS) ken Social Securty System gapu ta maipagarup a bassit laeng ti maus-usar a pondo para ti compensation program ti nasao a komisyon.
Sigun kenni ECC Executive Director Estela Banawis, manmano laeng nga empleyado ti ag-ab-avail iti compensation program ken kaadduan kadagitoy ket death benefits.
Gapu iti daytoy, umabot laeng iti P1 billion ti maar-aramat a pondo iti tunggal tawen para ti nasao a programa.
Iti agdama, umaboten iti P60 billion ti assets ti komisyon.
Inlawlawag pay ti opisyal, babaen iti panangpapigsa iti information dissemination maipapan ti programa ket umado iti empleyado ti gobyerno wenno mangmangged iti pribado a kompanya iti ag-avail ti nasao a benepisyo malaksid iti death benefits, ngem mabalin met a makaala dagiti nagsakit wenno naaksidente nga addaan ti pakainaiganm iti trabaho wenno work related.
