Nangipila ti multiple-tax evasion case ti Bureau of Internal Revenue sadiay Department of Justice kontra kadagiti ilegal nga aglaklako wenno negosyo ti vape ditoy Pilipinas.
Naipila ita nga aldaw ti criminal case partikular kadagiti kompanya a karaman ti saan nga umiso a panagbayad ti buis.
Sanguen dagitoy a negosyo ti nasurok-kumurang P8.7-B a ‘multiple tax evasion case’ kalpasan ti kaso ngaindatag ti Bureau of Internal Revenue (BIR) sadiay Department of Justice (DOJ).
Seun mismo kenni Commissioner Romeo D. Lumagui Junior, saan a tinungpal dagiti kompanya ti umiso a panagbayad ti excise tax a kasapulan tapno agbalin a legal ti operasyon dagiti negosyo da ti vape.
Impaganetget ni Commissioner Romeo D. Lumagui Junior iti BIR a ti sumrek a vape products ket awanan ti dokumento a legal ken kumpirmado a nabayadan nga excise tax.
Makuna pay a dagitoy ket importers isu a di natakuatan a saan da a nagbayad kadagiti maiyannatop a buis ket nadesisyonanen a mapilaan ida ti kaso.
Innayon pay ti Commissioner a ti panag-raid ken panagkumpiskar da kadagiti produkto nga vape ket natakuatan nga awanan dagiti items ti ‘tamaraw stamps’ nga indikasyon a ti produkto nga electronic cigarette ket legal.
