Posible nga agtultuloy agingga ita a lawas ti nangato a heat index, kas maibasar metten ti patta-patta ti state weather bureau.
Immuna a nagsagaba ti 46°C heat index dagiti sumagmamano a lugar sadiay Metro Manila. Dagitoy ket naipasidong pay ti ‘danger’ classification.
Segun iti state weather bureau, kasaruno ti in-inut a panagleppas ti northeast monsoon wenno hanging amihan ket manamnama metten a makapadas ti kalgaw ti adu a lugar.
Adu a paset ti pagilian ti umuna a maaddaan ti nangato a heat index: National Capital Region, Central Luzon, Mimaropa, Cagayan Valley, ken dadduma pay.
Gapo iti daita ket nagballaag ti weather bureau iti publiko nga agannad, aglalo kadagiti oras ti alas-10 ti bigat agingga alas-4 ti malem nga isu’t kabarbaraan na.
