Tinagiawan ti Malacañang iti panawagan ni Bise Presidente Sara Duterte nga agpaisidong ti drug test ni Presidente Ferdinand Marcos Jr.
Segun kenni Palace Press Officer Claire Castro, saan tupay a pimmatol ni sigud a Presidente Rodrigo Duterte iti kapada a kiddaw kabayatan ti innem a tawen a panagtakem na.
Linagip na pay a dinakamat idi ni sigud a Presidential spokesperson Harry Roque a saan a mabalin nga ibaon iti Presidente ti pagilian nga agpaisidong ti drug test.
Idi Agosto 2018, imbasura ni Roque iti panawagan ni Senador Antonio Trillanes IV nga agapaisidong ti drug test ni Duterte ken ti pamiliana.
Ti nasao a panawagan ket kalpasan nga inaklon ni Duterte nga agar-aramat daytoy ti marijuana tapno mapagtalinaed a siririing – nga idi agangay ket imbabawi na metlang.#
