LA UNION – Agtaltalinaed a burburtiya para iti pamilya ti tricycle driver iti motibo ti pannakapapatay daytoy.
Iti eklusibo a pannakiuman ti Bombo Radyo kenni Savier Juguilon, kabsat ti biktima a ni Darwin, kinunana nga awan met ti madakdakamat a problema ti manungna idi a sibibiag pay daytoy.
Ipabus-oyda laengen kinunana, iti pulisya ti imebstigasyon tapno maammuan ti makagapu iti pankakapapatay ni ni Darwin ken mapagsungabat dagiti suspek.
Kabayatanna, uray ti ina-una a putot ti biktima a ni Aira ket saan pay a makapamati iti nasaem a napasaran ti ama.
Sakbay a pimmanaw manipud iti balayda ni Darwin tapno agpasada iti rabii ti Sabado ket naragsak pay daytoy a nakiangaw iti putotna.
Immuna iti daytoy, maipagarup sinaed ken pinaltugan ti riding in tandem suspects ti biktima kabayatan nga agmanmaneho daytoy iti tricycle idiay kawatiwatan ti Gov. Joaquin Ortega Ave. idiay Barangay Poro, syudad ti San Fernando, La Union. (Absalom Flores)
