LA UNION – Agtultuloy iti panangbalakad ken pammagbaga ti Population Commission (PopCom) kadagiti agtutubo, nga agadal pay nga umuna sakbay a maki-asawa.
Impaganetget ni Kristine Diane Oineza-Padilla, agdama a Technical Head Information Officer III ti PopCom Region One, iti kinapateg ti panangiturpos ti adal tapno maaddaan ti napintas a trabaho, agsipudta daytoy iti mangted iti naranyag ken napintas a masakbayan iti buklen a pamilya.
Kinuna na a rumbeng a panunuten dagiti agtutubo dagiti consequences a mapasamak nu nasapa a maki-asawa ken saan a planado.
Innayon na a mas nasay-sayaat met laeng nu planado ti pannaki-asawa tapno maipaayan ti napintas a masakbayan dagiti annak.
