LA UNION – Mangisaysayangkat iti imbestigasyon ti pulisya tapn maammuan iti agsungbat ti napasamak nga aksidente a nakairamanan iti pampasahero a bus ken motorsiklo idiay national highway ti Barangay San Martin idiay ili ti Bacnotan, La Union.
Sigun kenni C/Ins. Reynaldo Soria, hepe ti Bacnotan Police Station, kabayatan nga agmanmaneho iti pampasahero a bus ni Shoulden Simon, 40, residente ti Barangay 40 Balatong, Laoag City, Ilocos Norte ken agturong koma daytoy idiay Metro Manila ket killaat a nagsikko iti dalanna ti motosiklo nga iggem ni Joseph Belisario, 59, ti Barangay Tammocalao, Bacnotan.
Gapu iti panangikagumaan a lisyan ni Simon ti nasao a motorsiklo ket dimmungpar par daytoy iti concrete barrier kasaruno iti panagderetso iti kamaisan nga asideg ti kalsada.
Dimmungpar iti sikigan iti bus ti motorsiklo ken nasugatan ti rider daytoy a dagus a naiturong iti Bacnotan District Hospital tapno maagasan.
Maipagarup a nabartek ti motorcycle rider iti a napasamak ti aksidente.
Nagsat met iti amin a nakalugan iti bus gapu ta awan ti nasugatan kadagitoy.
