LA UNION – Maisagsaganan ti kaso kontra iti maysa a babai a nangbagsol iti padana a babai idiay Cacappian, ili ti San Juan, La Union.
Nabigbig ti nasugatan a ni Marlyn Mirandan, 39-anyos, residente ti nasao a lugar.
Naamuan ti Bombo Radyo manipud iti San Juan Police Station, gapu iti maipagarup a susik maipapan kadagiti kagawaan ti makagapu iti panangbagsol ni Pacita Dumo, 39-anyos iti karikrikyarna a ni Miranda.
Dagus a naitaray idiay ospital ni Miranda, bayat a naaresto met ni Dumo.
Narekobre met dagiti pulis ti kutsilyo a naaramat iti napasamak a krimen. (Absalom Flores)
