Nakaragsakan ken inaprobaran ti National Economic and Development Authority (NEDA) ti report ti Philippine Statistics Authority (PSA) a bimmassit ti unemployment ditoy Pilipinas.
Nairekord iti 3.2% idi Nobiembre 2024, manipud iti 3.6% idi 2023.
Bimmaba met ti underemployment rate iti 10.8% manipud iti 11.7.
Segun kenni NEDA Secretary Arsenio Balisacan, ti sumaruno nga addang ket ti pannakapalawa ti negosio ken oportunidad iti panggedan.
Nakumikom pay ti gobierno a mangpasayaat iti kalidad ti trabaho babaen ti trainings ken skills development dagiti mangmangged.
Panggep dagitoy a programa a mapennek dagiti kasapulan ti dumakdakkel nga ekonomia ti pagilian ken mangipaay iti nangatngato a pasuweldo.
