Pagsaritaan pay dagiti senador nu idalan iti panagbotos iti panagbalbaliw ti voting threshold iti impeachment trial ni Bise Presidente Sara Duterte wenno bay-an dan a ni Impeachment Court Presiding Officer Chiz Escudero iti agdesisyon.
Segun kenni Senate President pro-tempore Tito Sotto III, ag-caucus pay dagiti senador tapno pagtaripnongan iti isyu. Kinuna met ni Senior Deputy Majority Leader JV Ejercito a posible nga inton Lunes daitoy a maisayangkat.
Daitoy ket sakbay iti oral arguments inton Setyembre 23, a mapasarunuan iti panagbotos seknan iti voting threshold a suroten iti impeachment court.
Tarigagay met ni Senador Erwin Tulfo a mangngegan pay dagiti opinyon ti kakadwa na sakbay a desisyonan nu baliwan iti threshold ken nu maidalan daitoy iti panagbobotos.
Kabayatanna, adda met dagiti dadduma a Senador a panggep a maipababa iti treshold, bayat a ti sabali ket kayat a pagtalinaeden iti 16 a botos para iti conviction kenni Bise Presidente Sara Duterte.
