LA UNION – Pila itan iti panaggatang ti NFA rice ditoy La Union partikular iti merkado publiko ti San Fernando, segun iti GRECON wenno Grains Retailers Association of the Phils.
Limitado metten iti mait-ited a supply ti NFA rice kadagiti rice retailers.
Iti interview ti Bombo Radyo La Union kenni Ms. Anacleta Angala, vice president ti GRECON-SAN FERNANDO LA UNION, dumanon laengen iti 10 a sako ti NFA iti supply a maaw-awat ti grupo ken maiwaras daytoy iti amin a rice retailers iti syudad.
Kinuna na a limitado metten iti 5 kilo laengen a bigas iti mailako iti tunggal consumer.
Impaganetget ni Angala a lima nga aldaw itan nga awan ti mailako da nga NFA rice.
Iti presyo ti NFA rice ket P38 kada kilo bayat a ti commercial rice ket P40/k iti kababaan.
