Mamati ni Senate President Chiz Escudero a mapapigsa pay ti national defense ti pagilian babaen ti plano ti gobierno a gumatang ti F16 fighter jets.
Segun kenni Escudero, kas kadagiti sabali a sektor ket nasken met a maibilang a national security ken economic stability a prayoridad ti gobierno.
Maibilang kunana daitoy a long term investment para iti panangpainget ti defense capability iti baet dagiti ngumatngato a security concern nangruna idiay West Philippine Sea.
Depensa ni Escudero, saan met a bagsakan ti pannakagun-od ti pagilian kadagiti fighter jets gapo ta dumanon pay daitoy ti agingga uppat agingga lima tawen sakbay malpas isu nga usto laeng nga ita paylang ket aggarawen ti gobierno.
Innayon pay ti mammanday-linteg, saan met a mammaminsan ti panagbayad iti $5.5B-deal ken saan pay a pinal ti agbalin nga terms of payment daitoy.
