BR LA UNION – Target ti Department of Agriculture (DA) nga ipatungpal agingga 2028 iti panagilako ti P20 pesos kada kilo ti bagas.
Daytoy ket kasaruno iti direktiba ni President Ferdinand Marcos Jr. iti ahensiya nga aramiden a napaut iti panaglakwan ti nalaka a bagas.
Segun kenni Agriculture Secretary Francisco Tiu Laurel Jr. iti inisyal a plano ket agingga laeng ti Disyembre ita a tawen nga agilako da iti nalaka a bagas wenno mabalin a pawaywayan agingga Pebrero ti sumaruno a tawen.
Kinuna ni Laurel, napagnumwan iti naisayangkat a panagtataripnong ita nga aldaw kadwa da ti Presidente, a 10 kilos ti nalaka a bagas kada lawas iti mabalin a gatangen dagiti taga Visayas wenno 40 kilos kada bulan.
Napili idiay Visayas a pilot implementation ti programa agsipudta ad-adu sadiay ti agkasapolan ti nalaklaka a bagas.
Kinuna ni Laurel nga adda iti 358,000 tonelada a bagas ti nakapenpen iti naduma-duma a warehouses, a kasapolan metten a mairuar gaputa tiyempo itan ti panag-aapit.
