Impasigurado ni Philhealth President ken Chief Executive Officer Emmanuel Ledesma Junior a suportaranda ti pannakakissay ti kontribusion dagiti miembro ti Philhealth.
Inaramid ni Ledesma ti statement kagiddan ti waragawag ni Senate President Francis “Chiz” Escudero nu sadino nagtignay ti senador a mabalinna a kissayan ti mandatory contributions dagiti amin a miembro ti Philhealth.
Segun kenni Escudero, dumanon iti nasurok a P500-B ti reserved fund ti Philhealth isu a posible a maipatungpal daytoy.
Inlawlawag met ni Ledesma nga iti agdama ket ur-urayenda laeng ti singasing a mangbalbaliw iti Universal Health Care Law nga ipasa ti Upper House.
Panggep daytoy a bill ket tapno maipababa ti mandatory contribution ti maysa a miembro ti nadakamat nga insurance company ti agingga 3.25%.
Impasiguro pay ti opisyal a nakasagana da iti panangipatungpal ti itoy apaman maipasa iti gakat.
