BR LA UNION – Namnamaen ti natudo nga aldaw ti eleksiyon, segun iti Philippine Atmospheric, Geophysical and Astronomical Services Administration (PAGASA).
Maibasar iti 4:00 p.m. weather forecast, agtultuloy iti epekto ti frontal system ken easterlies a dagitoy ti mangigubway ti panagtudo iti naduma-duma a paset ti pagilian.
Makapadas ti naulep a tangatang ken mawaras-waras a panagtudo a mabuyogan ti panagkimat ken panaggurru-od idiay Batanes ken Babuyan Islands, a posible a mangigubway ti panaglayos wenno landslide.
Kabayatanna, makapadas ti apagapaman a panagkuyem agingga a naulep ti tangatang ken sagpamisan a panagtudo idiay Metro Manila ken iti nabatbati a paset ti pagilian.
Kalalainganna agingga iti napigsa nga angin ken kalalainganna agingga a nadalluyon a kabnaybayan ti mapadasan iti extreme northern Luzon.
Iti dadduma a paset ti Luzon, Visayas, ken Mindanao, namnamaen ti naannayas agingga iti kalalainganna nga angin ken apagapaman a nadalluyon ti kabaybayan.
