LA UNION – Impaganetget ni Senador Sherwin Gatchalian nga anyaman a panang-amyendar iti Electric Power Industry Reform Act (EPIRA) ket rumbeng nga agresulta iti panagbaba ti presyo ti kuryente para iti pagimbagan dagiti konsyumers nga agtultuloy na agan-anus iti nangato a presyo ti kuryente.
Iti waragawag ni Gatchalian ket kasaruno ti panawagan ni President Ferdinand Marcos iti State of the Nation Address (SONA) na a kasapolanen a marepaso iti EPIRA.
Imbaga ti senador a sup-suportaran na iti panawagan ti Presidente nga amyendaran iti EPIRA tapno masungbatan dagiti isyu seknan iti sektor ti enerhiya kabilang iti nangato a presyo.
Segun iti mammanday linteg, nasken a ma-amyendaran iti EPIRA tapno maipaayan ti ad-adu a bileg iti Energy Regulatory Commission (ERC) kontram kadagiti industry players a saan a mangipat-patungpal ti mandato dagitoy.
Impaganetget ni Gatchalian a ti ERC ket rumbeng nga adda naan-anay a bileg a mangipatungpal iti mandato na a protektaran iti interes dagiti aggat-gatang ken pagrebbenganna nga itandudo iti nawaya, transparency, ken accountability.
