Imbutaktak ti Philippine National Police (PNP) a adda basbas mismo iti Malacañang iti panangisayangkat da ti entrapment operation tapno matiliw ti kasinsin ni First Lady Atty. Liza Cacho Araneta Marcos kalpasan a mairaman daitoy iti kaso nga swindling.
Daitoy ket ni Margarita “Maggie” Cacho manipud Barangay Sabang, Sibunag, Guimaras a kumankandidato kas gobernadora ti probinsya ti Guimaras.
Pinasingkedan ni Police Brigadier General Jack Wanky, Director ti Police Regional Office 6, nga ammo a mismo ti Office of the President iti operasyon nga indauloan ti PNP-Criminal Investigation and Detection Group (CIDG).
Segun kenni Wanky, natiliw a mismo ti 65-anyos a ni Cacho iti pagtaengan na sadiay Bgy. Sabang, Sibunag, Guimaras.
Karaman pay a natiliw ti katulong na a ni Cayetano Leal, 48, residente met ti Barangay Misi, Lambunao, Iloilo.
Malaksid iti daitoy ket natiliwan pay ti dua a kameng ti Philippine Coast Guard nga isuda Apprentice Seaman Marwin Parpan, 31-anyos, manipud Dipolog City, ken Seaman Second Class Rico Maylan, 27-anyos, manipud met Sandulot, Siaton, Negros Oriental.
Ti dua a Philippine Coast Guard personnel ket nakabase idiay Masbate ken agserserbi kas personal security ni Cacho; natiliwan dagitoy ti dua a units ti caliber 45 ng paltog ken ammunition.
Us-usaren ni Cacho ti panagbalinna a nasinged iti First Family tapno makaloko iti tao ken ti naudi na abiktima ket dinawatan na iti P1 million tapno mailakad iti Malacañang ti proyekto na para iti Private Motor Vehicle Inspection Center- Emission Testing Center ti Department of Transportation.
Natiliw ni Cacho idi inawat na ti 400K boodle money.
