Indauluan ni Presidente Ferdinand Marcos Jr. iti panangilunsad ti Project AGAP.AI wenno ‘Accelerating Governance and Adaptive Pedagogy through Artificial Intelligence’ ti Department of Education (DepEd) idiay Quezon City Science High School ita nga aldaw, Enero 9.
Agserbi daytoy kas flagship program ti ahensia para kadagiti amin nga artificial intelligence (AI)-related initiatives iti sidong ti basic education.
Maitunos iti nasao a proyekto iti bision ti ‘Bagong Pilipinas’ ken mailinya iti national ken regional education development goals, kangrunaan iti panangitandudo ti responsable, ethical, ken human-centered integration ti AI tapno suportaran iti panagisuro ken panagadal, kasta met iti panangpasayaat ti digital readiness ken panangpapigsa ti education governance.
Ti nagan nga AGAP ket nagtaud kadagiti nadumaduma a lengwahe ken kultural akonteksto: ‘Agapay’ ti Kapampangan a kayat na a satwen ket panangkadua ken suporta; ‘Agap’ ti Cebuano – napaspas ken responsive action; ken ‘Agape’ ti Greek wenno unconditional love.
Dagitoy a terminolohiya iti mangibagi iti prinsipio ti Project AGAP.AI a mangipasdek ti Artificial Intelligence kas ‘kaagapay’ nga agserbi kas kadua wenno partner a mangsuporta kadagiti mannursuro, agad-adal, nagannak, ken education personnel kabayatan iti panangpatalinaed kadagiti human values.###
