Inawagan ni House Deputy Majority Leader Janette Garin ti liderato ti senado ken Kamara nga asikasuenda ken ipangpangrunada ti pannakaamyendar ti Universal Health Care Law.
Kinuna ni Garin nga uray no mamin-adu a mabaliwan ti Presidente ti Philippine Health Insurance Corporation (PhilHealth), ket awan serserbina no saan a mabaliwan ti Health Care Law.
Inaramid ni Garin ti statement gapu ta planona ti mangipila iti House Resolution a mangparegta iti House Committee on Health a mangrepaso iti sumagmamano a probision iti UHC Law, nangruna dagiti makunkuna a “killer provisions.”
Kinuna ni Garin, dati a sekretario ti DOH, doktor ken vaccinologist, a saan a kasapulan ti health interventions kas iti agas, bakuna ken medical devices no naipasidong ti Phase IV clinical study.
Agparparang nga iti Section 34 ti UHC Law, rumbeng nga adda manen dagiti health interventions.
Impaganetget ti Kongresista a kalpasan ti Phase III clinical trial, maikonsideran nga safe at efficacious dagiti health interventions.
Binabalaw pay ni Garin ti pannakabukel ti Health Technology Assessment Council (HTAC), gapu ta naimpluensiaan daytoy kadagiti anti-pharmaceutical groups ken dagiti sigud nga opisiales a kayatda a ma-empower ti bagbagida.
Manipud pay idi 18th Congress ket itantandudon ni Garin ti pannakabalbaliw ti nadakamat a probision ngem pending daytoy iti lebel ti komite sipud pay idi Agosto 2020.
