Pinaboran ti Provincial Government iti panangpawayway ti pannakaipasidong iti General Community Quarantine (GCQ) iti maikaddua a gundaway iti ili a Bauang, La Union gapu iti agdama a kasasaad maipapan ti parikot a gapuanan ti COVID-19.
Naammuan a base ti waragwagan iti Provicial Government of La Union, babaen iti bileg ti ๐๐ ๐ฒ๐ฐ๐๐๐ถ๐๐ฒ ๐ข๐ฟ๐ฑ๐ฒ๐ฟ ๐ก๐ผ. ๐ฐ๐ฏ, ๐ฆ๐ฒ๐ฟ๐ถ๐ฒ๐ ๐ผ๐ณ ๐ฎ๐ฌ๐ฎ๐ญ ket agpaot ti nasao a quarantine status iti Bauang agingga inton September 28, 2021.
Naminduan a daras a naipaayan iti extension wenno pawayway iti pannakaipasidong ti GCQ ti nadakamat nga ili sipud naideklara daytoy idi Aug. 17, 2021.
Kabayatanna, base pay iti kaudian a ๐ช๐ถ๐ฝ๐ฐ๐ซ-19 update iti Bauang as of September 14, 2021 ket umabot iti 118 a pakabuklan a bilang ti nailista nga active cases a madama a matamtaming kalpasan a nanayunan daytoy iti pito a baro a nakaptan ti nadakamat a sagubanit.
Sipud nangrugi ti pandemya, umaboted ita iti 1,492 ti pakabuklan a bilang dagiti naalisan ti COVID-19.
Dua iti baro a bilang dagiti immimbag, isu nga umabuten iti 1,326 nga indibidual iti nakalasat manipud ti COVID-19 iti nasao nga ili.
Maysa met ti nainayon a bilang ti natay gapu iti COVID-19 isu nga umaboten iti pakabuklan a 48 dagiti pimmusay sipud rimsua ti pandemya.
