Nagtestigo ti dati nga opisial ti Bureau of Customs ti joint congressional hearing a naibaga kenkuana a ti multi-billion-peso shabu shipment a nakumpiskar idi 2018 ket kukua ni Davao City Representative Paolo Duterte, ti asawa ni Bise Presidente Sara Duterte a ni Mans Carpio, ken dati a presidential economic adviser a ni Michael Yang.
Temporario a nairuar ti detention ti naidarum mainaig iti drug shipment a ni Jimmy Guban tapno agtestigo maipapan iti shabu a naipatulod iti uneg dagiti magnetic lifters sakbay ti joint congressional hearing maipapan iti war on drugs, amin a mainaig ti kinaranggas, ken kadagiti offshore gaming operators wenno POGO ditoy Pilipinas.
Kinuna ti abogado ni Michael Yang a ni Attorney Raymond Fortun a dagiti statement ni Guban maibusor iti kliyentena ket “hearsay in nature.”
Impadanon pay ni Guban kadagiti uppat a House committees a dagiti nailista nga owners ti Vecaba Trading a consignee wenno nabigbig a nakaawat ti nadakamat nga P11 billion nga illegal drug shipment ket dummies ti maysa a Pony Chen ken Emily Luquingan.
