Ikeddeng ti Senate Impeachment Court iti pre-trial order inton Hunio 25 kalpasan ti pre-trial conference ti impeachment case kontra kenni Bise Presidente Sara Duterte.
Iti pannakiuman kenni Senate Impeachment Court-Clerk of Court Atty. Renato Bantug Jr., manamnama nga agpatingga ita a Lunes iti pre-trial conference ti defense team ni VP Sara ken ti house prosecution panel.
Agdama a marking of evidence iti article 1 wenno ti misuse of confidential funds ken article 2 wenno iti unexplained wealth ni VP Duterte.
Segun kenni Bantug, namnamaenna nga agpatingga ita nga aldaw ti pre-trial conference tapno rugianda ti panangdraft iti pre-trial order iti impeachment trial.
No saan nga agpatingga ita nga aldaw ti pre-trial conference, kenuna ni Bantug a maituloy nga aldaw.
Target a maisubmitir ti pre-trial order iti presiding officer inton Hunio 25.
Iti pre-trial order, maamwan ti stipulation of facts, dagiti testigo, namarkaan nga exhibits, trial dates, ken manifestation order ti presentasion dagiti articles of impeachment.###
