LA UNION – Nakapadas ti storm surge iti sumagmamano a paset iti igid ti baybay ti Bangar, La Union particular idiay Paratong District.
Maibasar iti nai-share a video, sinerrek ti danum ti baybay wenno dalluyon dagiti babbalay nga asideg iti baybay.
Dagus met a nagresponde dagiti kameng ti Municipal Disaster Risk Reduction and Management Office (MDRRMO) ken Phil. Coast Guard, tapno tulongan dagiti residente a naalarma gaputi storm surge a napasamak itay agsapa.
Am-amwen pay laeng ti Bombo Radyo Newsteam nu adda dagiti nagpa-iyakar a residente iti nasao a lugar kasaruno ti storm surge.
Napasamak daytoy kalpasan a simrek manen iti teritoryo ti pagilian iti bagyo Julian itay alas 8:00 ti bigat.
