LA UNION – Nangiteden iti tulong pinansyal ti Partas Bus Company iti pamilya nga naulila ti 20 pasahero a natay iti napasamak a La Union Christmas day targedy.
Iti pannakiuman ti Bombo Radyo La Union kenni Punong Barangay Marivic Bulacan ti Barangay Pilar, Bauang, La Union, kinunana nga umabot iti P15,000 para ti tungaggal natay iti pamilya dagiti biktima ti inyawat iti pannakabagi ti kompanya.
Sigun pay ti punong barangay, saan a naikkan iti tulong dagti nasugatan gapu ta maipagarup nga awan iti basol ti nasao a kompanya iti napsamak nga aksidente.
Maipalagip, 20 iti natay ti napasamak a panagdinnungpar ti jeepney ken bus idiay ili ti Agoo, La Union agarup alas-3:30 iti parbangon idi Paskua wenno December 25, 2017.
Dumar-ay koma iti Christmas mass ti milagroso a simbaan ti Manaoag idiay probinsya ti Pangasinan dagiti agkakabagyan idi a napasamak ti trahedya.
