LA UNION – Madama ita a dukduktalen iti arson investigators iti makagapu ti napasamak a pannakauram ti National Educators Academy Building a kukua ti Department of Education (DepEd) Regional Office-1 idiay Barangay San Vicente, syudad ti San Fernando, La Union itattay aldaw.
Iti pannakiuman ti Bombo Radyo kenni San Fernando City Firemarshal S/Ins. Edwin Orejudos, kinunana a dimmapo iti sibubukel a pasdek gapu iti kinadaan daytoy.
Saan pay laeng a matukoy iti nagtaudan ti uram ken ti balor iti nadadael a kagawaan.
Awan met iti nailista a nasugatan iti nasao nga insidente.
