Ilunglungalong ni Senate Committee on Labor and Employment Vice Chairperson Senador Raffy Tulfo iti panangipatungpal ti patas a minimum wage para kadagiti mangmangged idiay Metro Manila ken kadagiti probinsya.
Idiay National Capital Region, ₱695 iti inaldaw a sueldo dagiti non-agriculture workers – nangatngato maiyarig kadagiti dadduma rehiyon kas ti Bangsamoro Autonomous Region in Muslim Mindanao a ₱411 bayat ₱415 met idiay Caraga.
Iti panagdingeg ti komite, inrekomenda ni Tulfo iti National Wages & Productivity Commission, Department of Labor and Employment, ken dagiti labor experts nga adalen iti singasing na agsipudta agpapada a ngumatngato iti presyo dagiti kangrunaan a magagatang kas iti gasolina, taraon, medisina ken dadduma pay gapo iti inflation.
Segun ti Senador, nangingina pay iti presyo ti gasolina kadagiti dadduma a probinsiya.
Nagkari met ni DOLE Secretary Bienvenido Laguesma nga adalen da iti singasing ni Tulfo ken komunsulta kadagiti Regional Tripartite Wages and Productivity Boards iti sidong ti National Wages & Productivity Commission.###
