BR LA UNION – Inallokoy ni Presidente Ferdinand R. Marcos Jr. dagiti 50 a newly promoted star-ranked officers ti Philippine National Police (PNP) nga itultuloyda a pasayaaten ti lideratoda ken saanda nga agkampante, kagiddan ti panawagan nga agbalin a natibker, nalinteg, ken mangraem iti karbengan ti tunggal Pilipino.
Kabayatan ti swearing-in ceremony idiay Malacañang, impaganetget ti Presidente a ti promosyon ket saan laeng a panangbigbig kadagiti nagapuanan, ngem ketdi nangatngato pay ti namnamaen iti panangidaulo ken responsibilidad.
Kinunana a ti nangatngato a ranggo ket kaipapanan ti dakdakkel a responsabilidad kadagiti operasyon ti pulisiya, pagimbagan dagiti personnel, ken panagtalek ti publiko.
Impasigurado pay ni Presidente Marcos ti agtultuloy a suporta ti administrasyon iti PNP, pakairamanan dagiti reporma, pannakaingato ti base pay, ken subsistence allowance a PhP350, kasta met ti pagimbagan iti pamilya dagiti pulis.
Kadagiti 50 a na-promote, innem ti Police Major Generals ken 44 ti Police Brigadier Generals.
