Impasigurado ni Presidente Ferdinand Marcos Jr., a nakasaganan iti gobyerno tapno sumungbat iti aniaman a pagkasapulan dagiti umili manipud iti epekto ti Bagyong Crising.
Itay bigat ket personal nga inispeksion ti Presidente iti warehouse ti Department of Social Welfare and Development (DSWD) a pakaisaysayangkatan ti repacking dagiti family food packs a maipaay kadagiti umili nga apektado ti bagyo.
Segun iti Presidente, maus-usaren dagiti baro a makinarya isuta napaspas iti panangrepack kadagiti relief goods a buklen dagiti nagduduma a health kits, sanitary kit, family dress kit, ken cooking set.
Adda met iti balde nga addaan ti bukod na a filter.
Innayon na pay, dakkel a banag dagiti balde nga addaan ti filter kangrunaan iti panawen ti panagtutudo a narigat a makainom ti nalinis a danom gapo kadagiti panaglayus.
Iti agdama ket addan iti 3 million food packs iti nakareserba.
Malaksid iti daytoy ket addaan met ti P2.9 billion standby funds iti DSWD a pagalaan ti kanayunan a pondo no kasapulan.#
