BR LA UNION – Inawat ni Presidente Ferdinand Marcos Jr. iti panaglosolos iti puwesto ni Department of Information and Communications Technology (DICT) Secretary Ivan John Uy ita nga aldaw.
Segun iti Malacañang, mangdutok ni Presidente Marcos ti maysa pay laeng nga Officer-in-Charge (OIC) tapno adda mangidaulo ti departamento bayat nga agsap-sapol iti baro a sekretaryo ti DICT.
Siniguro ni Palace Press Officer ken Presidential Communications Office (PCO) Undersecretary Claire Castro, a saan a maitantan dagiti serbisyo ken programa ti ahensya nga uray adda panagbaliw iti liderato iti sumaganad nga aldaw.
Iti DICT ket addaan napateg a papel iti napartak nga internet connectivity, digital governance, ken cybersecurity ditoy pagilian.
Kabayatanna, ni Uy iti maikatlo a miyembro iti gabinete ti Marcos administration a nag-resign ita a tawen.
Iti panaglosolos na ket kasaruno dagiti kritisismo a masansan ti panagbiyahe na iti abroad a maipagarop a nakaapektaran ti trabnaho na iti DICT.
Immuna ni sigud a Transportation Secretary Jaime Bautista idi Pebrero 13, gaputi isyu ti salun-at.
Maikadwa ni sigud a Presidential Communications Office Secretary Cesar Chavez, a segun kenkuana ket kurang ti panag-trabaho na.
Ni Bautista ket sinukatan ni Vince Dizon kas baro a Transportation Secretary bayat a ni Chavez ket sinukatan ni sigud a broadcast journalist Jay Ruiz.
