Mangnamnama ni Presidente Ferdinand Marcos a ti baro a lukat a multi-billion peso bridge a mangsilpo kadagiti ili ti Tubod, Lanao del Norte ken Tangub City ti Misamis Occidental ket mangyeg iti ad-adu pay nga aktibidad ti ekonomia kadagiti umili ti Mindanao.
Kasaruno daytoy ti panangidaulo ni Pressidente Marcos iti inagurasion ti Panguil Bay Bridge, nga agdama a maibilang a kangatuan a rangtay iti Mindanao.
Kinuna ti Presidente nga adu a pannubok ti linasat ti Panguil Bay Bridge sipud pay idi 1998, ngem iti kamaudiananna, nagun-od ti balligi dagiti umili iti Northern Mindanao.
Maipalagip a ti nadakamat a rangtay nga addaan iti kaatiddog a nasurok a 3.169 kilometro ket nairugi idi panawen ni dati a Presidente Rodrigo Duterte ken naileppas idi panawen ti administrasion ni Marcos.
Naammuan pay a ti rangtay ket resulta ti programa ti pautang ti gobierno ti Pilipinas ken South Korea a pinunduan ti dandani P8 billion pesos.
