BR LA UNION – Indaulwan ni President Ferdinand Marcos Jr., kadwa na ti First Family iti panangiyuswat ti Family Fare 1+3 promo iti MRT ken LRT.
Ti nasao a family promo fair ket maipatungpal tunggal aldaw ti Domingo laeng a maibilang a family day.
Maysa laeng kadagiti uppat a miyembro ti pamilya nga aglugan iti MRT ken LRT iti agbayad, kaipapanan a libre dagiti tallo.
Segun kenni Transportation Secretary Vince Dizon, mismo a ni President Marcos ti nangilungalong daytoy.
Inlawlawag met ni Secretary Dizon a saan a karaman iti holiday iti nasao a promo.
Ita nga aldaw, June 1,2025 opisyal a nangrugi iti family fare 1+3 promo.
Naglugan ti MRT ni President Marcos kadwa na ni First Lady Liza Marcos ken dagiti annak na nga isuda Cong. Sandro Marcos, Simon ken Vinny.
Inwaragawag ni Sec. Dizon a tarigagay ti Presidente a mapalag-anan dagiti umili iti pamasahe.
