LA UNION – Nainget a kinondenar ni President Ferdinand Marcos Jr., iti napasamak nga air incident iti paset ti Bajo de Masinloc kalpasan a nangiruar ti “dropped flare” iti multirole aircraft iti ruta a dumalanan ti Philippine Air Force (PAF) a mangisay-sayangkat ti routinary maritime patrol iti teritoryo ti pagilian.
Nakikaysa iti Presidente kadagiti natutured a personnel ti Philippine Air Force.
Kinuna ti Presidente a saan a nainkalintegan, illegal ken reckless ti nagbalin a tignay ti People’s Liberation Army – Air Force (PLAAF), nangruna ket tumay-tayab daytoy iti sovereign air space ti Pilipinas.
Impaganetget ti Presidente nga ita a nagkalma iti kabaybayan, nagsubli manen ti China ken agar-aramid iti napeggad nga aksiyon iti airspace.
Impaganetget pay ti Presidente nga agtalinaed a committed ti Pilipinas iti diplomatiko ken natalna a wagas tapno masolbar ti anyaman a saan a panagkikinnaawatan.
Nagpanawagan ti Presidente iti China nga agbalin a responsable iti aramidda iti kabaybayan ken iti tangatang.
