LA UNION – Kinontra ni Presidente Ferdinand Marcos Jr., iti perspektibo a ti eleksiyon ket panawen ti pinnadakes, pannaka-wara, ken panagsisina.
Iti panagbetla ti Presidente, impaganetget na a maisupadi dayta a perspektibo iti inyuswat da nga alyansa idi kalman.
Nagpirma iti maysa a manifesto ti alyansa wenno panagkakadwa, dagiti lima a dadackel a political party ditoy pagilian, iti Lakas-CMD nga idaulwan ni Speaker Martin Romualdez, Nacionalista Party, Partido Federal ng Pilipinas, Nationalist Peoples Coalition ken National Unity Party.
Segun iti Presidente, iti alyansa ket napagmaymaysa a ganwat ti napalawa a pwersa dagiti mangipat-pateg ti pagilian.
Ikampanya ti coalition dagiti programa a mangpadur-as ken siniguro na nga awan ti mabati.
Kumpiyansa iti Presidente a ti panagtitipon dagiti 12 nga indibidwal nga addaan ti gaget ken laing tapno agbalin a lider, tumakder dagitoy para iti interes ti ili, para iti pagsayaatan ken karbengan ti tunggal Pilipino.
Iti inaramid a panang-endorso ti Presidente, kiniddaw na iti 12 senatorial candidates a pagtalinaeden ti kinapudno dagitoy ken panagayat iti pagilian, gaputa daytoy ti kangrunaan a galad ti maysa a kandidato.
Nagpanawagan pay ti Presidente iti publiko a suportaran dagiti nasao a kandidato a napadasen ti kalidad ken kapadasan da iti serbisyo publiko.
