BR LA UNION – Nakasagana ni President Ferdinand Marcos Jr., a maki-tinnunos wenno maaddaan ti rekonsilasyon kadagiti Duterte.
Daytoy ti inwaragawag ni President Marcos iti podcast interview.
Segun iti Presidente, saanna a kayat ti kalaban agsipudta adun ti kabusor na, ket iti kayat na gayyem.
Impaganetget ti Presidente a tarigagayna a makatunos ti amin tapno mas nasay-sayaat.
Iti ngamin agdama ket saan a napintas iti relasyon ti Presidente kadagiti Duterte kasaruno ti sumagmamano nga isyu.
Immuna nga immikkat iti Unity team ni VP Sara agsipudta saanna a nagustuan iti kunana a pammalakad ti administrasyon.
Impaganetget pay ti Presidente nga agingga nu mabalin ket kayatna iti natibker ken nakapya a pagilian, tapno dumur-as ken maaramid ti adu a trabaho.
Mamati ti Presidente, nga uray saan da nga agkatunusan iti polisiya ngem adda pannaki-tinnulong tapno maipatungpal dagiti programa a pagnumaran dagiti Pilipino.
Impaganetget ti Presidente a kanayon a nakalukat iti ruanganna para iti pannakitinnulong.