Insingasing ni Bise Presidente Sara Duterte a rumbeng a mairaman ni Presidente Ferdinand Marcos Jr. a maimbestigaran maipanggep kadagiti flood control projects.
Segun ti Bise Presidente, nalawa iti ebidensya ti anomalya a makita iti 2025 national budget.
Immunan nga imbaga ti presidente a saan pay a mairaman kadagiti nakatuding a makasuan ti Independent Commission for Infrastructure (ICI) ni sigud nga House Speaker Martin Romualdez.
Innayon pay ni Duterte, mabalin a saan a nabasa iti 2025 budget a pakakitaan nga addaan ti discrepancies iti National Expenditure Program (NEP) nga insubmitir ti executive department ken ti General Appropriations Act (GAA) nga impasa ti Kongreso.
Impaganetget na a nalawag nga ebidensya dagiti proyekto ti Executive Department nga adda GAA ngem saan a nakalanad iti NEP – a maibilang kas ‘insertions’ manipud iti impluwensya ti House of Representatives – isu a nasken laeng a mairaman iti presidente gapo iti panangperma na ti 2025 GAA. #
